"Манчестер Юнайтед" собиқ ҳужумчиси Димитар Бербатов "Ювентус" ҳужумчиси Криштиану Роналду ҳақида гапириб ўтди.

"Ушбу ҳафтада 35 ёшга тўлган Криштиану Роналду ҳали ҳам ўзининг энг юқори чўққисида. У жорий мавсумда 33 та гол урди, бу ажойиб натижа.

Роналду 40 ёшгача энг юқори даражада ўйнашни исташини айтди. Мен буни тасаввур қиляпман. Райан Гиггз "Юнайтед" да 40 ёшида ҳам ўйнаётган эди ва сиздан қандай фойдаланишни биладиган яхши мураббийларга эга бўлсангиз бу бўлиши мумкин.

Португалиялик юлдуз ҳали ҳам ёнмоқда, Роналду ва 38 ёшли Златан Ибрахимовични кузатиш менга ёқмоқда , улар ажойиб ўйнаяпти. Яқинда мен ўзимдан фаолиятимни тугатишимга ҳали эрта эмасми, деб сўрадим. Аммо сиз танангизни тинглашингиз ва қачон тўхташингиз кераклигини билишингиз керак », - деди Бербатов.