Stadion.uz ёзда эркин агентга айланиши кутилаётган машхур футболчилар билан қисқача таништириб ўтади.
Немания Матич
Жозе Моуриньо учун жуда муҳим тактик футболчи саналаган сербнинг “қизил иблислар” сафида ишлари юришмаяпти. Матич асосий таркибдаги ўрнини тўлиқлигича бой бериб бўлди. Катта эҳтимол билан унинг янги жамоаси "Евро 2020"дан сўнг аниқ бўлади.
Дрис Мертенс
“Наполи” учун ўзининг энг кучга тўлган йилларини берган белгиялик футболчининг ёзда клуб билан тузган шартномаси ўз якунига етади. Дарҳақиқат, Мертенс ҳали ҳам ажойиб формада, бироқ 33 ёшли футболчи учун топ клублардан таклиф бўлиши катта савол остида қолмоқда.
Марио Гетце
Германия ЖЧ ғолиблигини тақдим этган гол муаллифи 28 ёшидаёқ эркин агентга айланишга яқин турибди. Бир пайтлар дунёнинг энг иқтидорли футболчиларидан бири саналаган Марио учун янги чақирув айни дамда ҳарқачонгиданда керак.
Давис Силва
“Манчестер Сити” клуби тарихидаги энг омадли харидлардан бири сифатида эътироф этилувчи испан ҳам ёзда клубни тарк этади. Қаҳрамонимиз футболчилик фаолиятида Испания чек қўйиши кутилмоқда. Шундай бўлсада, бу футбол ва унда ҳеч нарсани олдиндан айтиб бўлмайди.
Виллиан
Бир пайлар дунёнинг энг кучли футболчиси бўлиши таҳмин қилинган Виллиан “Челси”да порлаши таҳмин қилинган эди. Афсуски, бразилиялик футболчи жамоанинг алмаштириб бўлмас футболчиси даражасига кўтарила олмади. Қишда “Челси” уни “Барселона”га совға қилишдан бош тортгач, ярим ҳимоячи ёзда жамоани эркин агент сифатида тарк этадиган бўлди.
Эдинсон Кавани
Узоқ муддат “Атлетико Мадрид” билан музокарлар олиб борган ҳужумчи Парижда қолганидан хабарингиз бор. Европадаги ҳужумчиларга бўлган талабнинг катта эканлигини инобатга олсак, Кавани ёзда топ клублар ўртасида “ҳомтлаш” бўлиши аниқ.
