«Металлург» Қозоғистон клуби билан дуранг ўйнади

Бугун Туркиянинг Анталия шаҳрида янги мавсумга тайёргарлик кўраётган Бекободнинг “Металлург” жамоаси учинчи назорат учрашувини ўтказди. Рақиб Қозоғистоннинг “Қайсар” жамоаси бўлди.

Қизиқарли ва муросасиз курашлар остида кечган ўйинда жамоалар дурангга имзо чекишди. Ўйин бири бирига ўхшамаган иккита таймдан иборат бўлди дейиш мумкин. Биринчи бўлимни Қозоғистон Премьер лигасининг олтинчи жамоаси ҳужумкор руҳда бошлади. Ўйинда тезкор гол киритиб олган қизилўрдаликлар ҳимояда ишончли ўйнади. Бекободликлар эса рақиб томонидан қўйилган “автобус”ни ёриб ўтишнинг уддасидан чиқа олишмади. Боз устига танаффусга чиқиб кетиш арафасида қозоғистонликлар иккинчи голни ҳам киритишга муваффақ бўлишди.

Танаффусда мураббийларимиздан керакли кўрсатмаларни олган “Металлург” ўйинда туб бурилиш ясади. Бунда мураббийларнинг бир қатор ўйинчиларни алмаштиришлари, тактикага ўзгартириш киритишлари ҳам қўл келди. Аввалига Станислав Андреевнинг бурчакдан ошириб берган тўпини Саламат Қуттибоев боши билан уриб рақиб дарвозасига киритган бўлса, орадан ўн дақиқа ўтгач Абдураҳмон Абдулҳақов ажойиб тўп ошириши билан Мурод Бобожновни рақиб дарвозабони қаршисида ёлғиз қолдирди. Мурод эса рандевудан унумли фойдаланиб ҳисобни тенглаштирди.

Шундан кейин ҳам жамоаларда бир қатор имкониятлар бўлган эрса-да, ҳисоб ўйин охиригача ўзгармасдан қолди. Энди “Металлург” Туркиядаги охирги назорат учрашувини 14 февраль санасида Россиянинг “Армавир” жамоасига қарши ўтказади.

Назорат учрашуви
“Металлург” – “Қайсар” – 2:2 (0:2). Туркия, Анталия. 11.02.2020 йил.
Голлар: Саламат Қуттибоев (53), Мурод Бобожонов (63) — Фортес (11), Пешич (45).
“Металлург”: 35. Акмал Турсунбоев, 28. Станислав Андреев, 21. Камолиддин Тожиев, 5. Аббос Отахонов, 22. Шаҳзодбек Ғофурбеков, 55. Акбар Исматуллаев, 33. Саламат Қуттибоев, 14. Аброрбек Тошқўзиев, 18. Ихтиёр Тошпўлатов, 19. Евгений Чумак, 10. Шаҳзодбек Убайдуллаев.
Захира: 12. Александр Лобанов, 6. Одилжон Абдумажидов, 7. Дониёр Нарзуллаев, 8. Даврон Анваров, 11. Мурод Бобожонов, 17. Абдуғани Камолов, 20. Худойшукур Сатторов, 30. Андрей Шипилов, 70. Абдураҳмон Абдулҳақов, 77. Муҳаммад Исаев.
“Қайсар”: Марсель Исломқулов, Иван Граф, Алексей Шумских, Толегенов, Багдат Каиров, Думан Нарзилдаев, Асхат Тагиберген, Парагулов, Алвин Фортес, Иван Пешич, Колев.

Тизимга кириш
Эл. почта:
Пароль:
	Эсда сақлаш

регистрация \| паролни тиклаш

22/12 00:45	Лечче	1-2	Лацио
22/12 01:00	Барселона	1-2	Атлетико
22/12 16:30	Рома	5-0	Парма
22/12 18:00	Валенсия	2-2	Алавес
22/12 19:00	Фулхэм	0-0	Саутгемптон
22/12 19:00	Лестер	0-3	Вулверхэмптон
22/12 19:00	Ман. Юнайтед	0-3	Борнмут
22/12 19:00	Эвертон	0-0	Челси
22/12 19:00	Венеция	2-1	Кальяри
22/12 20:15	Реал Мадрид	4-2	Севилья
22/12 21:30	Тоттенхэм	3-6	Ливерпуль
22/12 22:00	Аталанта	3-2	Эмполи
22/12 22:30	Леганес	2-5	Вильярреал
22/12 22:30	Лас-Пальмас	1-0	Эспаньол
23/12 00:45	Монца	1-2	Ювентус
23/12 01:00	Бетис	1-1	Райо Вальекано
23/12 22:30	Фиорентина	-	Удинезе
24/12 00:45	Интер	-	Комо

«Металлург» Қозоғистон клуби билан дуранг ўйнади

ЭНГ КЎП ЎҚИЛГАН ЯНГИЛИКЛАР