Англиянинг “Ливерпуль” клуби ҳужумчиси Муҳаммад Салоҳ Миср Олимпия терма жамоаси билан бирга 2020 йили бўлиб ўтадиган Олимпиада ўйинларига иштирок этади.
Миср олимпия терма жамоаси бош мураббийи Шауки Гариб Муҳаммад Салоҳни Олимпиада ўйинларига олиб кетмоқчи.
"Биз миллий терма жамоанинг уч нафар асосий футболчиларини чақиряпмиз. Биз ҳозирча фақатгина Муҳаммад Салоҳнинг номзодида тўхтадик. Ҳозирча бу ҳақда Мҳаммаднинг ўзи билан музокара олиб бормадик, бироқ Олимпиадада қатнашиш ундан кўпроқ куч талаб қилади", - Гарибнинг сўзларидан иқтибос келтирмоқда KingFut.
Эслатиб ўтамиз, Олимпиада ўйинлари 24 июлдан 9 августга қадар Япония пойтахти Токио шаҳрида бўлиб ўтади. Агар Салоҳ ушбу олимпиада ўйинларидан қатнашишга рози бўлса, у ҳолда “Ливерпуль” таркибида АПЛнинг кейинги мавсум старт ўйинларида майдонга туша олмайди.
