Италиянинг «Наполи» клуби бош мураббийи Женнаро Гаттузо Италия Кубоги ярим финал дастлабки учрашувда “Интер” клуби устидан қўлга киритилган ғалаба ҳақидаги фикрлари билан ўртоқлашди.
“Интер”дек кучли клубга қарши туриш учун етарлича ҳурмат кўрсатиш керак. Футболчиларим ўйин учун бор кучларини беришди. Бу натижа учун ҳар бирини табриклаб чиқишим керак ва улардан мавсумнинг ҳар бир ўйини учун мана шундай тайёргарлик кўришларини талаб қиламан. Рақибларимизни ҳурмат қилишимиз жуда муҳимдир, лекин ўз режамиздан узоқлашмаслигимиз керак.
Учрашувнинг биринчи бўлимида жамоа олдига қўйилган вазифани етарлича бажардик. Ҳужумларни катта ишонч билан амалга оширдик. Меҳмонларнинг босими остида қолиб, иккинчи бўлимда бундай кўп хатоларга йўл қўйишга ҳаққимиз йўқ эди. Ҳали олдимизга қўйилган вазифа бажарилмади. Бизни кўп ишлар кутмоқда», — деди Дженнаро Гаттузо.
