Берлиннинг “Герта” клуби бош инвестори Ларс Виндхорст жамоа бош мураббийи Юрген Клинсманни эгаллаб турган лавозимидан кетганига ўз муносабатини билдирди.
"Клинсман жамоани бундай тарзда тарк этгани ачинарли ҳол. У аҳмоқларча кетди. Ҳа, мен у билан гаплашдим ва у кечирим сўради.
Унинг қай тарзда жамоани тарк этганини инобатга олиб, уни бизнинг клубимиз директорлари кенгашида ишлашига йўл қўймаймиз.
Бундай ҳаракатни фақатгина ўспирин болагина амалга ошириши мумкин. Дунё бизнесида бундай қилиш мумкин эмас. Клинсман сабаб янги ҳомийлар билан иш бошлаган эдик", - деди Виндхорст ESPN билан суҳбатда.
Эслатиб ўтамиз, германиялик мутахассис ўзининг “Facebook”даги саҳифасида жамоадан кетаётганлиги ҳақида пост қолдирган эди.
