Berlinning “Gerta” klubi bosh investori Lars Vindxorst jamoa bosh murabbiyi Yurgen Klinsmanni egallab turgan lavozimidan ketganiga o‘z munosabatini bildirdi.
"Klinsman jamoani bunday tarzda tark etgani achinarli hol. U ahmoqlarcha ketdi. Ha, men u bilan gaplashdim va u kechirim so‘radi.
Uning qay tarzda jamoani tark etganini inobatga olib, uni bizning klubimiz direktorlari kengashida ishlashiga yo‘l qo‘ymaymiz.
Bunday harakatni faqatgina o‘spirin bolagina amalga oshirishi mumkin. Dunyo biznesida bunday qilish mumkin emas. Klinsman sabab yangi homiylar bilan ish boshlagan edik", - dedi Vindxorst ESPN bilan suhbatda.
Eslatib o‘tamiz, germaniyalik mutaxassis o‘zining “Facebook”dagi sahifasida jamoadan ketayotganligi haqida post qoldirgan edi.
