Англиянинг «Лестер» клуби бош мураббийи Брендан Роджерс «Ливерпуль» клуби ярим ҳимоячиси Адама Лалланага жамоа қизиққанлиги ҳақидаги хабарларга муносабат билдирди.
«Адам юқори савияли футболчи ҳисобланади. Айнан мен сабабли у «Энфилд»да пайдо бўлди. Мен унинг потенциалини «Саутгемптон»да ўйнаб юрганида сезгандим.У ўзини «Ливерпул»да кўрсата олди ва Лаллана АПЛ клубларидан бўладиган таклифларни эътибор билан ўрганиб чиқишига шубҳа қилмайман.
Бу футболчини бизнинг трансфер бозордаги рўйхатимиздан жой олиши ҳақида гапиришни ўринли деб ҳисобламайман. Биз январь ойида ўтиши мумкинлиги ҳақида музокара олиб бордик. Ёзда нималар рўй бериши ҳақида ҳозир гаплашишни истамайман. Айтишим мумкин бўлган нарса шуки, Лаллана юқори савияли футболчи саналади», — деди Брендан Роджерс.
