Англиянинг «Ливерпуль» клуби собиқ ҳимоячиси Джейми Каррагер Дортмунднинг «Боруссия» клуби ярим ҳимоячиси Джейдон Санчони АПЛнинг бирор клубига ўтиши мумкинлиги ҳақида фикр билдирди.

— Санчо премьер-лига ўйин услубига мос тушади. У дунё футболининг энг яхши ёш футболчиларидан бири. Унинг «Боруссия»даги статистикасига қараш кифоя. У англиялик ва ўйлайманки, у ўз ватанига қайташни жуда хоҳламоқда. АПЛнинг барча клублари уни қўлга киритишни хоҳлайди. У хит даражасига айланиши мумкин. Қаранг, у кучли чемпионатнинг топ клубида қандай ўйин намойиш этмоқда. Босимга эътибор ҳам бермаяпти. У ажойиб ёшда ва жуда кўплаб ўйинларда майдонга тушмоқда ва ажойиб кўрсаткичларни қайд этмоқда, - Каррагернинг сўзларидан иқтибос келтирмоқда Sky Sports.