«Реал» клуби Испания чемпионатининг 24-тури доирасида ўз уйида Ла лига аутсайдерларидан бири — «Сельта»ни қабул қилиб, кутилмаганда, очко йўқотди.

Виголикларнинг россиялик легионери Фёдор Смолов учрашувнинг 7-дақиқасида дарвозабон билан яккама-якка вазиятга чиқиб кетди ва дарвозани ишғол қилди.

Мадридликлар иккинчи бўлимга келиб ҳисобни очишга муваффақ бўлди. Крооснинг зарбасидан кейин тўрга бориб тушди. Рақиб дарвозаси томон босим уюштиришда давом этган Зидан жамоаси кўп ўтмай ҳисобда олдинга чиқиб олди. Дарвозабон Эден Азарга нисбатан қўполлик ишлатгани учун пенальти белгиланди. Рамос эса 11 метрли жарима зарбасидан самарали фойдаланди.

Шундан сўнг "қаймоқранглилар" бироз хотиржамликка берилишган бўлса, «Сельта» тўп назоратини ўз томонига оғдирди. Ўйин тугашига 4 дақиқа қолганида уюштирилган чиройли ҳужумни Санти Мина аниқ якунлаб, ҳисобни  тенглаштирди.

Қолган дақиқаларда меҳмонлар ишончли ҳимояланиб, дурангни сақлаб қолишди.

Ушбу дуранг туфайли "Реал" эса "Барселона"дан атиги 1 очко олдинда бормоқда.

Испания Ла лигаси, 24-тур
Реал Мадрид – Сельта 2:2 (0:1, 2:1)
Голлар: 0:1 – 7 Смолов, 1:1 – 52 Кроос, 2:1 – 65, пенальти Рамос, 2:2 – 85 Санти Мина.
Реал Мадрид – Куртуа, Варан, Карвахаль, Марсело, Рамос, Каземиро, Вальверде, Азар (Винисиус Жуниор, 73), Кроос (Модрич, 81), Бэйл (Менди, 84), Бензема.
Сельта – Рубен Бланко, Оласа, Араухо, Айду, Васкес (Систо, 55), Йокушлу, Рафинья, Брадарич (Санти Мина, 83), Мурильо, Смолов (Денис Суарес, 70), Аспас.
Огоҳлантиришлар: Оласа (57), Бэйл (72), Карвахаль (74), Йокушлу (76).