"Атлетико" ярим ҳимоячиси Томас Партейнинг сўзларига кўра унинг агенти клуб билан шартномани узайтириш бўйича музокараларни бошлаган.

"Менинг агентим аллақачон "Атлетико" билан янги шартнома борасида музокаралар олиб бормоқда.

Ушбу жамоанинг академиясида ўйнаган барча ёш футболчилар сингари мен ҳам бу ерда, Мадриднинг буюк клуби учун ўйнашни хоҳлайман. Мен европанинг бошқа жамоалари эътиборини жалб қилаётганимдан ғурурланаман, бу менинг ҳамма нарсани тўғри қилаётганимни кўрсатади ва исботлайди, бироқ "Атлетико" барчасидан устун - деди Партей.