Сонг Хын Мин "Астон Вилла" билан ўйинда қўлини синдириб, жарроҳлик амалиётидан ўтди.
Жозе Моурино бу мавсумда энди ҳужумчинининг ёрдамидан фойдалана оломаслигини айтди.
Ўз навбатида Гарри Уинкс жамоада Соннинг ўрнини боса оладиган футболчилар бор деб ҳисобламоқда.
"Ҳужумдаги ўйин мен учун эмас. Сонг Хын Миннинг жароҳати биз учун жиддий йўқотишдир. У шунчаки жамоа учун снайпер эди. У жуда кўп меҳнат қилади. Аммо унинг ўрнини босадиган кўплаб ўйинчиларимиз бор.
Биз ушбу муаммога эътибор қаратмаслигимиз муҳим, чунки бу бизга ёрдам бермайди. Биз вазиятни қандай ҳал қилишни билиб оламиз, чунки биз буни илгари қилганмиз", - дея Уинкснинг сўзларини келтиради УЕФА расмий сайти.
