Германиянинг «РБ Лейпциг» клуби ҳужумчиси Тимо Вернер «Тоттенхэм» клубига қарши бўлиб ўтган учрашувдан кейинги фикрлари билан ўртоқлашди.

Вернерни учрашувнинг 58-дақиқасида пенальтидан киритган голи «Тоттенхэм» - «РБ Лейпциг» жамоалари ўртасидаги ягона голлигича қолди.

«Яхши ўйин намойиш этдик. Ўйинни ўз қўлимизда ушладик, фақатгина гол етишма. Пенальтидан кейин рақибни ҳимоясида ушлаб туришимиз муҳим эди.Мен иккита вазиятдан фойдалана олмадим ва пенальти ўша вазиятларимни оқлай олмайди. Лекин, белгиланган пенальтини тепишни мен хоҳладим.Хотиржамликни сақладим ва 11 метрли жарима тўпини аниқ амалга оширдим. Ўз жамоам учун гол киритганимдан хурсандман.

Ҳисобда олдинга чиқиб олганимиздан кейин яна гол киритиш учун имкониятга эга бўлдик. Биласизми, бундай мухлислар қаршисида ғалаба қозониш осон эмас. Шу сабабли, бугунги ғалабамиз билан фахрланамиз. Биз жуда ёш жамоамиз, шунинг учун биз бундай ўйинларда руҳиятимизни сақлаб қолишимиз керак. Энди биз ҳиссиётларга боймиз, жавоб учрашувида “Лейпциг”да нималар бўлишини кўрамиз», - Вернернинг сўзларидан иқтибос келтирмоқда УЕФА расмий сайти.