Германия чемпионатининг 23-турига старт берилди. Мусобақа пешқадами «Бавария» ўз уйида айтсайдер «Падерборн»ни қабул қилиб, қийин ғалабага эришди.

Баҳснинг 25-дақиқасида Гнабри ҳисобни очишга муваффақ бўлган бўлса, бўлим тугаши арафасида меҳмонлар ҳисобни тенглаштиришди. Иккинчи бўлим ўрталарида Левандовски мюнхенликлар яна олдинга олиб чиққанди, орадан 5 дақиқа ўтиб Михель яна мувозанатни тиклади.

Ўйин тугашига 2 дақиқа қолганида Левандовски "Бавария"га ғалаба келтирувчи гол муаллифига айланди.

"Бавария" навбатдаги ўйинни сешанба куни "Челси"га қарши ЕЧЛ нимчорак финал босқичи доирасида ўтказади.

Германия чемпионати, 23-тур
Бавария – Падерборн 3:2 (1:1, 2:1)
Голлар: 1:0 – 25 Гнабри, 1:1 – 44 Србени, 2:1 – 70 Левандовски, 2:2 – 75 Михель, 3:2 – 88 Левандовски.
Бавария – Нойер, Киммих, Алаба, Люка Эрнандес, Одриосола (Коман, 63), Толиссо (Зиркзее, 87), Алькантара, Дэвис, Гнабри, Коутиньо (Мюллер, 63), Левандовски.
Падерборн – Цингерле, Янс, Штродик, Шонлау, Хольтманн (Ястшембски, 29), Прегер, Гьясула, Василиадис, Антви-Аджей, Србени (Фридьоунссон, 81), Мамба (Михель, 53).
Огоҳлантиришлар: Гьясула (34), Люка Эрнандес (54), Михель (61), Антви-Аджей (84).