Germaniya chempionatining 23-turiga start berildi. Musobaqa peshqadami «Bavariya» o‘z uyida aytsayder «Paderborn»ni qabul qilib, qiyin g‘alabaga erishdi.
Bahsning 25-daqiqasida Gnabri hisobni ochishga muvaffaq bo‘lgan bo‘lsa, bo‘lim tugashi arafasida mehmonlar hisobni tenglashtirishdi. Ikkinchi bo‘lim o‘rtalarida Levandovski myunxenliklar yana oldinga olib chiqqandi, oradan 5 daqiqa o‘tib Mixel yana muvozanatni tikladi.
O‘yin tugashiga 2 daqiqa qolganida Levandovski "Bavariya"ga g‘alaba keltiruvchi gol muallifiga aylandi.
"Bavariya" navbatdagi o‘yinni seshanba kuni "Chelsi"ga qarshi YECHL nimchorak final bosqichi doirasida o‘tkazadi.
Germaniya chempionati, 23-tur
Bavariya – Paderborn 3:2 (1:1, 2:1)
Gollar: 1:0 – 25 Gnabri, 1:1 – 44 Srbeni, 2:1 – 70 Levandovski, 2:2 – 75 Mixel, 3:2 – 88 Levandovski.
Bavariya – Noyer, Kimmix, Alaba, Lyuka Ernandes, Odriosola (Koman, 63), Tolisso (Zirkzee, 87), Alkantara, Devis, Gnabri, Koutinyo (Myuller, 63), Levandovski.
Paderborn – Singerle, Yans, Shtrodik, Shonlau, Xoltmann (Yastshembski, 29), Preger, Gyasula, Vasiliadis, Antvi-Adjey, Srbeni (Fridyounsson, 81), Mamba (Mixel, 53).
Ogohlantirishlar: Gyasula (34), Lyuka Ernandes (54), Mixel (61), Antvi-Adjey (84).