Ушбу рукнимиздаги энг сўнгги янгиликлар билан таништиришда давом этамиз.
“Ювентус”га Сидибе керак
“Туриннинг “Ювентус” жамоаси ёзда қанот ҳимоячиси харид қилмоқчи. Жамоа нишонида “Монако” жамоаси футболчиси Жибриел Сидибе турибди”,- деб хабар бермоқда “Calciomercato” нашри.
Жамоа қанот ҳимоясида Жоа Конселуни кўришни истаётганидан хабарингиз бор. Нашр берган хабарларга қараганда, агар “кўҳна сениора” португалиялик футболчини қўлга кирита олмса, бор эътиборини “Монако” жамоаси футболчиси Жибриел Сидибега қаратади.
Эслатиб ўтамиз, Сидибе айни дамда ижара асосида “Эвртон” клуби шарафини ҳимоя қилмоқда.
Яя Туре ўз фаолиятини давом эттирмоқчи
Ивуарлик футбол афсонаси ҳали-бери бутсаларини михга илмоқчи эмас. Айни дамда эркин агент мақомида клубсиз юрган футболчига Колумбиянинг бир нечта жамоаларидан таклифлар келиб тушмоқда.
Футболчининг ўзи футболчилик фаолиятини тиклашга қарши эмас. Қаҳрамонимизнинг фикрича, у яна иккита савияли мавсум ўтказишга қодир.
Эсалтиб ўтамиз, 36 ёшли футболчи кариераси давомида “Барселона”, “Манчестер Сити” сингари грандлар сафида тўп суришга муваффақ бўлган.
“Арсенал” ўз футболчисини сақлаб қолмоқчи
Лондоннинг “Арсенал” жамоаси бразилиялик ҳужумчи Габриэл Мартинеллини жамоада узоқроқ олиб қолишни режалаштиряпти. “Mirror” нашри берган хабарларга кўра, “кононирлар” футболчи билан ўртадаги шартномани тез орада янгилаш орқали унинг маошини кескин кўтаришни истамоқда.
Футболчининг агенти янги шартномага қарши эмас, бироқ унда исталган пайтда Мартинеллининг кетишига мос банлар бўлишини истамоқда. Манбанинг маълум қилишича, шартнома июл ойларида қайта кўри, чиқилади.
Эслатиб ўтамиз, январ ойида “Арсенал”нинг энг яхши футболчиси деб эътироф этилган ёш ҳужумчибилан “Ювентус” ва “Реал Мадрид” жамоалари жиддий қизиқиш билдирмоқда.
Лаллана қаерга кетади
Айни дамда Англиянинг “Ливерпуль” жамоаси шарафини ҳимоя қилаётган Адам Лаллана ёзда Италияга йўл олиши мумкин.
“Mirror”нинг маълум қилишича, футболчи билан Римнинг “Латцио” клуби жиддий қизиқиб қолган. 31 ёшли футболчи ёзда эркин эгентга айлангани боис, унинг харидорлари жуда кўп.
Рим клубидан ташқари, футболчи билан “Лестер”, “Тоттенҳэм” ва “Арсенал” жамоалари ҳам қизиқмоқда.
Футболчининг ўзи ҳали якуний қарорга келгани йўқ. унинг агенти барча масалалар мавсум сўнггида кўриб чиқилишини расман эълон қилди.
Алексис Санчес қоладими?
Айни дамда Миланнинг “Интер” сафида ижара асосида тўп сураётган Алексис Санчес Конте томонидан жамоага кераксиз деб топилди. Бу ҳақида “LeGazzetaDellaSport” маълум қилган.
Шунингдек, “FootballItalia” нашри берган маълумотларга кўра, чилилик ҳужумчининг ўйинлари “Интер” раҳбариятини қониқтирмагани боис, клуб уни сотиб олишдан бош тортди. Шу сабабли, ҳужумчи ёзда яна “Манчестер Юнайтед” сафига қайтадиган бўлди.
Эслатиб ўтамиз, Санчеснинг “қизил иблислар” билан тузган шартномаси икки ярим йилдан сўнг ўз якунига етади. Айни дамда Алексиснинг трансфермаркет порталидаги нархи 25 миллион еврога тенг.
