"Барселона" ЕЧЛ 1/8 финалидаги биринчи учрашувини "Наполи"га қарши меҳмонда ўтказади.
"Кўк аноррангликлар"нинг марказий ҳимоячиси Жерар Пике ушбу учрашув ҳақида ўз фикрлари билан ўртоқлашди ва жамоасини турнирда чемпионлик учун асосий фаворит сифатида кўрмаслик кераклигини айтиб ўтди.
"Бизни жуда қийин ўйин кутмоқда. Улар "Ювентус" ва "Ливерпуль"ни мағлуб этишди, кейинчалик хотиржамликка йўл қўймаслик учун биринчи учрашувда яхши натижа керак.
Биз ушбу ЕЧЛнинг фаворитлари эмасмиз, гарчи ғалаба қозониш учун имкониятимиз борлигига амин бўлсам ҳам. Биз кейинги босқичга йўл олишга ҳаракат қиламиз", - деди Пике УЕФА расмий сайтида.
