"Бунёдкор"нинг Про лига вакили «Оқ-тепа»га қарши ўйини голларга ва курашларга бой тарзда кечди. Меҳмонлар Вадим Абармов шогирдларига  жиддий қаршилик кўрсатди. Ҳисоб ҳимоядаги қўпол хатодан кейин «Оқ-тепа» томонидан очилди. Бўлим охирларида захирадан майдонга чиққан Фаррух Икромов қисқа вақт ичида меҳмонлар ҳимоясини «парчалаб» вазиятни ижобий томонга ўзгарди. Шу тариқа жамоамиз танаффусга ғолиб сифатида йўл олди.

Иккинчи бўлимда меҳмонларнинг африкалик легионери ҳисобни тенглаштирди. Аммо учрашувнинг сўнгги дақиқаларида "қалдирғочлар"  «Оқ-тепа» аъзолари яна икки марта майдон марказига чорлади. 4:2 ҳисобида қолган дақиқаларда ўзгармади ва ўйин "Бунёдкор"нинг  ғалабаси билан якунланди.

Ўртоқлик учрашуви
«БУНЁДКОР» - «ОҚ-ТЕПА» - 4:2 (2:1)
25 февраль. Тошкент. «Бунёдкор» академияси майдони.
Бош ҳакам: Акобир Шукуруллаев.
«Бунёдкор»: Абдумавлон Абдулжалилов (Сарвар Каримов), Дилшодбек Аҳмадалиев (Ғулом-Ғайдар Ғуломов), Исломжон Қобилов (Абдулла Абдуллаев), Давронжон Эргашев (Бобурбек Фарҳодов), Санжар Қодирқулов (Ҳасан Йўлдошев; Суҳробжон Ярашев), Нурилло Тўхтасинов (Дониёр Усмонов), Лутфулла Тўраев, Жасурбек Жалолиддинов (Расул Йўлдошев), Суҳроб Иззатов (Сардор Абдураимов), Миржаҳон Мираҳмадов (Владислав Нуриев), Баҳодир Пардаев (Фаррух Икромов).
«Оқ-тепа»: Эркин Жабборов, Сергей Прохоров, Суннатилла Мамадалиев, Шерзод Қодиров, Фаррух Содиқов, Самандар Очилов, Ислом Исмоилов, Дониёр Умаров, Владислав Фомин, Сарвар Жуманиёзов, Жамшид Юсупов.
Голлар: Шерзод Қодиров, 17 - 0:1. Фаррух Икромов, 36 - 1:1. Фаррух Икромов, 38 - 2:1. Гбадамоси Иброҳим Томива, 63 - 2:2. Расул Йўлдошев, 84 - 3:2. Владислав Нуриев, 86-пенальтидан - 4:2.