"Bunyodkor"ning Pro liga vakili «Oq-tepa»ga qarshi o‘yini gollarga va kurashlarga boy tarzda kechdi. Mehmonlar Vadim Abarmov shogirdlariga jiddiy qarshilik ko‘rsatdi. Hisob himoyadagi qo‘pol xatodan keyin «Oq-tepa» tomonidan ochildi. Bo‘lim oxirlarida zaxiradan maydonga chiqqan Farrux Ikromov qisqa vaqt ichida mehmonlar himoyasini «parchalab» vaziyatni ijobiy tomonga o‘zgardi. Shu tariqa jamoamiz tanaffusga g‘olib sifatida yo‘l oldi.
Ikkinchi bo‘limda mehmonlarning afrikalik legioneri hisobni tenglashtirdi. Ammo uchrashuvning so‘nggi daqiqalarida "qaldirg‘ochlar" «Oq-tepa» a’zolari yana ikki marta maydon markaziga chorladi. 4:2 hisobida qolgan daqiqalarda o‘zgarmadi va o‘yin "Bunyodkor"ning g‘alabasi bilan yakunlandi.
O‘rtoqlik uchrashuvi
«BUNYODKOR» - «OQ-TEPA» - 4:2 (2:1)
25 fevral. Toshkent. «Bunyodkor» akademiyasi maydoni.
Bosh hakam: Akobir Shukurullayev.
«Bunyodkor»: Abdumavlon Abduljalilov (Sarvar Karimov), Dilshodbek Ahmadaliyev (G‘ulom-G‘aydar G‘ulomov), Islomjon Qobilov (Abdulla Abdullayev), Davronjon Ergashev (Boburbek Farhodov), Sanjar Qodirqulov (Hasan Yo‘ldoshev; Suhrobjon Yarashev), Nurillo To‘xtasinov (Doniyor Usmonov), Lutfulla To‘rayev, Jasurbek Jaloliddinov (Rasul Yo‘ldoshev), Suhrob Izzatov (Sardor Abduraimov), Mirjahon Mirahmadov (Vladislav Nuriyev), Bahodir Pardayev (Farrux Ikromov).
«Oq-tepa»: Erkin Jabborov, Sergey Proxorov, Sunnatilla Mamadaliyev, Sherzod Qodirov, Farrux Sodiqov, Samandar Ochilov, Islom Ismoilov, Doniyor Umarov, Vladislav Fomin, Sarvar Jumaniyozov, Jamshid Yusupov.
Gollar: Sherzod Qodirov, 17 - 0:1. Farrux Ikromov, 36 - 1:1. Farrux Ikromov, 38 - 2:1. Gbadamosi Ibrohim Tomiva, 63 - 2:2. Rasul Yo‘ldoshev, 84 - 3:2. Vladislav Nuriyev, 86-penaltidan - 4:2.
