Ўзбекистон Суперлигаси 1-туридан ўрин олган “Пахтакор” ҳамда “Навбаҳор” ўртасидаги ўйин якунланди. Учрашувдан сўнг матбуот анжуманининг иккинчи қисмида “шерлар” устози Шота Арвеладе саволларга жавоб бериб ўтди.

– Мавсум бошлангани билан мухлисларни табриклайман. Доимгидек, яна “Навбаҳор” билан футбол ўйнамадик, жанжаллашиб вақтни ўтказиб юбордик. Биз ўйинни назорат қилдик, лекин рақиб посбони 3-4 марта муқаррар голлардан қутқариб қолди. Муҳими мавсумни ғалаба билан бошлаб олдик.

Ҳакам? Мен ғалаба қозонган ўйинимизда ҳакамларни муҳокама қилмайман. Биз ўйинни муҳокама қиламиз, фақат кейинчалик ҳаммаси совугандан сўнг. Бундай ўйинларда ҳакамларга ҳам осон бўлмайди.

–  “Пахтакор” ҳакамлар ёрдамига муҳтожми?

–  Нима учун сиз фақат битта қизил ҳақида сўрамоқдасиз? Бизнинг футболчи ҳам қизил олди. Қолаверса, бизнинг футболчиларга кўпроқ сариқ берилди. Биз бокчси эмасмиз, биз футболчимиз тўп билан ҳаракат қилишимиз керак. Биз энг яхшиси эмасмиз, энг яхши бўлишга ҳаракат қиляпмиз.

Узоқдан ташриф буюрган мухлисларга ҳам катта раҳмат айтамиз!