O‘zbekiston Superligasi 1-turidan o‘rin olgan “Paxtakor” hamda “Navbahor” o‘rtasidagi o‘yin yakunlandi. Uchrashuvdan so‘ng matbuot anjumanining ikkinchi qismida “sherlar” ustozi Shota Arvelade savollarga javob berib o‘tdi.
– Mavsum boshlangani bilan muxlislarni tabriklayman. Doimgidek, yana “Navbahor” bilan futbol o‘ynamadik, janjallashib vaqtni o‘tkazib yubordik. Biz o‘yinni nazorat qildik, lekin raqib posboni 3-4 marta muqarrar gollardan qutqarib qoldi. Muhimi mavsumni g‘alaba bilan boshlab oldik.
Hakam? Men g‘alaba qozongan o‘yinimizda hakamlarni muhokama qilmayman. Biz o‘yinni muhokama qilamiz, faqat keyinchalik hammasi sovugandan so‘ng. Bunday o‘yinlarda hakamlarga ham oson bo‘lmaydi.
– “Paxtakor” hakamlar yordamiga muhtojmi?
– Nima uchun siz faqat bitta qizil haqida so‘ramoqdasiz? Bizning futbolchi ham qizil oldi. Qolaversa, bizning futbolchilarga ko‘proq sariq berildi. Biz bokchsi emasmiz, biz futbolchimiz to‘p bilan harakat qilishimiz kerak. Biz eng yaxshisi emasmiz, eng yaxshi bo‘lishga harakat qilyapmiz.
Uzoqdan tashrif buyurgan muxlislarga ham katta rahmat aytamiz!
