"Ювентус" яримҳимоячиси Адриен Рабьо Чемпионлар Лигаси 1/8 финалидаги "Лион"дан учралган мағлубият (0: 1) ҳақида фикр билдирди.
"Биз ўз футболимизни ўйнамадик, айниқса биринчи бўлимда. Якка курашларда эҳтиёткорлик билан ҳаракат қилдик. Бизда тезкорлик, аниқлик ва дарвоза олдида ўйинчилар етишмади. Иккинчи бўлимда биз яхшироқ ўйнадик, аммо рақиб гол урди ва чуқур ҳимояланди.
Мен ҳайрон бўлмадим, чунки мен бу жамоани биламан. Мен уларнинг муҳим ўйинларда қандай ўйнашларини биламан. Ушбу стадион жуда мураккаб атмосферага эга. Бизда ҳам яхши вазиятлар бўлди. Олдимизда 90 дақиқа қолди, бор эътиборимизни шунга қаратишимиз керак »деди Рабьо.
