"Рейнжерс" клуби Шотландия кубоги чорак финал босқичи доирасида "Хартс" майдонига сафар уюштириб, мағлубиятга учради.
Мезбонлар 58-дақиқада Бозанич томонидан урилган гол эвазига ғалаба қозонишди. Шу тариқа, Стивен Жеррард шогирдлари соврин йўлидаги курашни тўхтатишди.
"Хартс" - "Рейнжерс" 1:0
Гол: Бозанич, 58 - 1:0
Маълумот ўрнида. "Рейнжерс" Шотландия чемпионатида "Селтик"дан 12 очко ортда қолган ҳолда, 2-ўринда бормоқда. Жамоа Европа лигаси нимчорак финал босқичига чиқди.