Мюнхеннинг «Бавария» клуби директорлари кенгаши раиси Карл-Хайнц Румменигге «Хоффенхайм» клубига қарши ўйинда Дитмар Хоппнинг манзилига осилган баннернинг эгасини топишга ваъда берди.
«Бавария» мухлислари«Хоффенхайм» клубига қарши учрашув мобайнида ўзлари ўтирган трибунага Дитмар Хоппни ҳақорат қилувчи баннер жойлаштиришган эди.
Қайд этилишича, бунга ўхшаш баннерлар Бундеслиганинг ушбу туридан ўрин олган бошқа ўйинларда ҳам кузатилган.
Учрашувни бошқариб борган ҳакам ўйинни икки марта тўхтатишга мажбур бўлди. Чунки, “Бавария” аъзолари баннерни олиб ташлашни талаб қилишганди.
«Бу воқеадан уяламан. Ушбу баннерни ким осганини топамиз ва жазолаймиз. Шахсан мен Хоппдан кечирим сўрайман», — деди Карл-Хайнц Румменигге.
