А Серия раҳбари Паоло Даль Пино «Интер» клуби «Ювентус»га қарши ўйинни душанба куни мухлислар қаршисида ўйнашдан бош тортганини таъкидлаб ўтди. Учрашув коронавирус сабабли, май ойига қолдирилди.

— Биз «Интер»га учрашувни душанба куни ўтказиш таклифини билдирдик. «Интер» эса рад этди. Шу сабабли, Лигадаги спортга хос бўлмаган ҳаракатлар ҳақида гапирмасдан, уларнинг ўзи жавобгарликни ўз бўйниларига олиши керак. Мен А Сериянинг қизиқишлари ҳақида қайғуришим керак, шу сабабли, клубларнинг барча манфаатларини ҳисобга олмаслик керак. Биз барча клублар билан боғландик ва биламизки, уларда келишиш қийин бўлган позициялар мавжуд. Биз индивидуал клублар ҳақида эмас, балки А Серия ҳақида, мухлисларни ҳимоя қилиш ҳақида қайғуришимиз керак. Худди Англия сингари кўплаб мусобақаларнинг ўйинлари қолдирилиши туфайли, турнир бузилиши мумкин, лекин бунинг хавотир оладиган жойи йўқ. Келинглар, мавжуд бўлмаган жойда муаммо туғдирмайлик, - Даль Пинонинг сўзларидан иқтибос келтирмоқда Gazzetta dello Sport.