Ўтган ҳафта ҳисоботи ёки шу пайт бир гаплашгим келди деган пост.

Кўп бор чиқишларимда айтиб ўтаман, иш фаолиятимдаги йўналишлар орасида шарҳловчилик бошқача ўрин тутади. Бу менинг доимий танловим бўлган. Ҳар қанақа салмоқлироқ ва фойдалироқ вариантлар олдида шарҳни устун қўйганман.

Маълум муддат шарҳдан узилсам соғинаман. Февраль ўртасида хизмат сафари сабаб бир ҳафтагина эфирдан узоқ бўлдим. Қайтишим билан FUTBOL-TV эфирига шўнғидим. Ўтган ҳафтада 4 та ўйин ва 3 та студияда ишладим. Яъни тўлиқ ҳафта. Буларнинг ҳаммаси кечаси соат 1 лар атрофида бошланди. Ўйинлар тугаши эса биласиз тонггача боради деярли. Кундузи ЎФАда ҳам иш қизийди. Орада бироз куч ва энергияни тиклаб олишга имкон топамиз. Ижод тундан тунгача, турдан тургача давом этаверади. Шундай бўлсада, эфирсиз нормал режимга қараганда, шарҳлардан иборат ўйқусиз тунлар менга афзалроқ.

Томошабинлардан ҳар хил feedback муносабат оламиз. Ижобийларига шукур қиламан, салбий ҳам бор албатта. Ўйлайманки, салбийни инобатга олиб бартараф этишга уринишимни сиз сезасиз. Ўринли танқид эътиборсиз қолмайди.

Дарвоқе, бу пост орқали телеграм каналимда ҳам активлигим ўртача даражада эканлигига изоҳ бериб кетгандекман. Лекин, бу ерда активлашаман. Бу аниқ режада бор. Телеграм аудитория менга ёқди. Актив!

Шу каналимга ва умуман олганда ижодимга сал бўлса ҳам эътибор қаратган барчангизга раҳмат. Ҳар бирингиз мен учун ҳудди қадрдондексиз. Борингизга шукур!

Даврон Файзиев.