Лондоннинг «Арсенал» клуби ҳимоячиси Давид Луис Англия Кубоги 1/8 финал доирасида «Портсмут» (2:0) клубига қарши бўлиб ўтган учрашув ҳақидаги фикрлари билан ўртоқлашди.

— Ўйлайманки, ҳар куни қилаётган ишимизни якунлашимиз муҳим. Артета жамоага келганидан кейин ишларимиз яхши тарафга ўзгарди. Мен жамоадан ва ёш футболчилардан мамнунман, улар ақлли йигитлар ва юқори савияли ўйин намойиш этиш учун нима қилиш кераклигини билади. Биз муносабат билдиришга ва футболни тушунишга тайёр бўлишимиз керак. Мен доим ёш футболчиларга катта клубда улкан имкониятларга эга бўлишаётганини кўп гапираман. Мен жамоадаги энг ёши катта футболчиман, лекин менинг юрагим доим ёш!" - деди Луиз BBC Sport билан суҳбатда.