Ҳуқуқий жиҳатдан Мадриднинг "Реал" клубига тегишли бўлган, айни пайтда ижара асосида фаолиятини "Реал Сосьедад" клубида давом эттираётган Мартин Эдегор келажаги борасида фикр билдирди.
«Ҳар доим мухлислар менга ЕЧЛга чиқишимиз борасида саволлар беришади. Уларга ҳозирги клубим билан мазкур мусобақада иштирок этишдан хурсанд бўлишимни айтаман. Мен икки йилдан бери «Сосьедад» таркибида ўйнаб келяпман. Ҳар бир футболчи энг муҳим совринлар учун кучли клубларга қарши курашишни орзу қилади. Мен ҳам айнан мана шу мақсадга интиламан.
Аммо биз бошқа кучли клубларнинг қийин рақобатига қарши доим тайёр туришимиз кераклигини тушунамиз. «Хетафе», «Валенсия», «Атлетико» ва «Севилья» клублари ЕЧЛ учун кураш олиб боришда бизнинг асосий рақибларимиз ҳисобланишади», — деди Мартин Эдегор.
