Каталониянинг «Барселона» клуби ярим ҳимоячиси Фрэнки де Йонг «Реал» (0:2) жамоасидан қабул қилиб олинган мағлубият ҳақидаги фикрлари билан ўртоқлашди.

«Ўйлайманки, сўнгги ўйинларимизга назар ташлайдиган бўлсак, ўсишга эришганимизни кўриш мумкин.

«Барселона» тўғри йўлдан кетмоқда, биз бундан ҳам кўпроқ ривожланишимиз керак. Биз атиги бир очко ортда боряпмиз, олдимизда кўплаб учрашувлар турибди ва биз охиригача кураш олиб борамиз.

Бу жуда қийин тун бўлди, чунки, мағлубият бўлиш доим оғир, айниқса класикода. Ўйлайманки, биз бу учрашувда ғолиб чиқишимиз ҳам мумкин эди. Айниқса биринчи бўлимда.

Биз кўпроғига лойиқ эдик, айниқса биринчи бўлимда. Иккинчи бўлимда "Реал" яхши ўйин намойиш этди, чунки улар иккинчи бўлимда жуда яхши прессинг уюштиришди ва бизда одатий ўйинимизни кўрсатишимизга йўл қўйишмади».