Coca Cola Суперлига 2-тури доирасида Наманганнинг “Навбаҳор” клуби ўз майдонида Тошкентнинг “Локомотив”  жамоасини қабул қилади. Мазкур ўйин учун чиқарилган чипталар сотуви авжида!   

Ишқибозлар 4, 5, 6, 7, 8, 9, 14, 15, 16, 17, 18 ва 19-секторлар учун 15 минг сўм;
3, 10, 11, 12, 13 ҳамда 20-секторларга 20 минг сўм;
2 ва 21-секторлар учун эса 30 минг сўмдан чипта харид қилишлари мумкин.

“Навбаҳор”–“Локомотив” клублари ўртасидаги учрашувдан олдин вилоятимизнинг таниқли хонандалари томошабинларга ўзларининг дилрабо куй-қўшиқлари билан завқ улашишади.

Мазкур жамоалар жорий мавсумда ўз олдига юксак мақсадларни қўйганлиги боис, ушбу ўйиннинг кескин курашлар остида ўтиши эҳтимоли юқори.  Бундан ташқари, “лочинлар” ўз майдонларида бу йилги мавсумдаги илк учрашувни ўтказишади ҳамда ғалаба қозониб, мухлисларга қувонч улашишга ҳаракат қилишади. Бўлажак учрашув мазкур омиллар сабабли ҳам анча аҳамиятли.            

Чипталар 4 март кунидан бошлаб, Наманган шаҳридаги “Марказий” ўйингоҳ, “Чорсу” ҳудудидаги якка қабр олди, “Сардоба” бозори олдидаги “Мегаполис” савдо мажмуаси олдида сотилмоқда. Чипталар миқдори чекланган. Уларни тезроқ харид қилишга шошилинг!   

Чипталарни фақатгина юқоридаги манзиллардан ўз нархига харид қилинг, олиб-сотарлардан чипта сотиб олманг ва улардан эҳтиёт бўлинг!

“Навбаҳор” – “Локомотив” ўйини 6 март, жума куни соат 18:15 да старт олади.   

“Навбаҳор” ПФК матбуот хизмати.