Айни дамда футбол афсунгарининг Парагвайдаги саргузаштлари ҳақида қисқача маълумот бериб ўтамиз. Вазият сиз ўйлагандан анча жиддийроқ.
Саргузаштнинг аввалги қисмларида
- Роналдиньо ва унинг акасини Парагвайда соҳта паспортлар билан қўлга олишди. Ака-укалар ушбу паспортларни Парагвайлик бизнесмендан совға эканлигини маълум қилишганини ва Парагвайлик дўстларининг илтимосига биноан Парагвайга ташриф буюришганини маълум қилишди.
- Парагвай ички ишлар вазири қонун барчага баробар эканлиги борасида баёнот бергач, Рони ва унинг акасини қўйиб юборди. Шунга қарамай, ушбу паспортлар ортида турган деярли барчани турмага равона қилди. Улар орасида Ронининг дўсти: Вилмондес Соуза ҳам мавжуд.
- Жума куни Роналдиньо ва унинг акасини яна қўлга олинди. Парагвайлик судя Мирко Валиноти ака-укаларни қўйиб юборишдан бош тортди. Футболчининг адвокати улар ҳужжатларни соҳталаштириш борасида ҳеч нарсага алоқодор эмаслигини маълум қилган бўлсада, бу ҳеч нарсани ўзгартиргани йўқ.
Иш бўйича қандай янгиликлар мавжуд?
Аслида Парагвай қонунлар бўйича ҳужжатларни соҳталаштириш учун жарима ёки бир йиллик қамоқ жазоси тайинланади. Ҳозирча бу иш борасида суруштирув олиб борилмоқда. Маълумотларга қараганда, бразилиялик футболчини 8 соат давомида сўроқ қилишган. Хатто Ронини Парагвайга таклиф қилган бизнесмен Дали Лопеснинг қўлга олингани ҳақида ҳам расман маълум қилинди.
Шанба куни футболчи жарима эвазига қўйиб юбориш борасидаги илтимосни Парагвай қонунчилик палатаси рад этди ва Роналдиньони қўлга олиш борасида буйруқ берди. Бошқа бир судя – Руис Диаз Ронини қидирув - суриштирув ишлари якунланишига қадар қамоққа олишга рози бўлди.
Нега бундай қарор қабул қилинди? Ўринли савол. Бу саволга судялар Рони ва унинг акаси давлат қонунчилигига жиддий таъсир кўрсатиши мумкин бўлган жиноятни амалга оширганини расман эълон қилишди. Судяларнинг айтишича, Рони ва унинг акаси чинакам хужжатларни соҳталаштиришда иштирок этишган.
Ҳимоячилар собиқ футболчини уй қамоғида ушлаб туришни илтимос қилган бўлсада, Парагвай қонунчилиги буни рад этди. Хатто бразилияликнинг акасининг соғлиғи ёмонлашгани ҳам вазиятни юмшатмади. BBSнашрининг маълум қилишича, Парагвай ҳокимияти футболчини фақат биргина сабаб билан қўйиб юбормаяпти. Унга кўра, агар Рони ва акаси Бразилияга қўйиб юборилса, уларни судга чақиришнинг иложи бўлмай қолади. Буни барча англаб тургани боис парагвайлик судялар Роналдиньони мажбуран ушлаб турибди.
Eнди Рони қамаладими?
Айни дамда судялар қабул қилган қарор бўйича бразилияликлар жиноий иш тўлиқ ўрганилмагунига қадар қамоқада бўлишади. Судя Рони узоғи билан 6 ой давомида турмада ўтириши ҳақида расман маълум қилди. Шундай экан, Рони 6 ой давомида қамоқҳонада қолиб кетиши мумкин.
Аслида ҳимояланувчи томон аппеляцияга беришга ҳаракат қилиб кўришди. Хатто Клара Руизни ишдан четлатишларини ҳам илтимос қилишди, бироқ бундан наф чиққани йўқ. Футболчининг адвокатлари мижозларининг соғлиқлари борасидаги ҳужжатларни таклиф этиш орқали уларни озодликка олиб чиқиш учун ҳаракат қилишмоқда. Афсуски, вазият анча чигал. Адвокатларнинг айтишича, Ронини уй қамоғига кўчиришнинг ўзи ҳам жуда катта савол остида турибди.
Вазият тасаввуримиздан анча жиддий. Уларга соҳта хужжатни ака-укаларга тақдим этган Лопеснинг жиноий иши борасида жуда катта ҳажмдаги тергов ишлари олиб борилмоқда. Қизиғи шундаки, Прагвай суди Лопесни ноқунуний пул айланмалари ва солиқдан қочишда айбламоқда. Суд Рони ва унинг акасидан Лопесга қарши кўрсатма беришидан умид қилмоқда. Бу парагвайлик бизнесменнинг айбларига далил сифатида ҳизмат қилишига умид қилишмоқда.
