«Ювентус» ҳужумчиси Криштиану Роналду профессионал футболчилик фаолиятида 1000та ўйинда майдонга тушгани ҳақида ўз фикрини билдириб ўтди.

«Фаолиятимда 1000-расмий ўйинда иштирок этганимдан фахрланаман. Биз «Интер»га қарши ўйинда жуда муҳим ғалабани қўлга киритдик ва жадвалнинг энг юқори чўққисига қайтдик.

Менга ушбу натижага эришишда ёрдам берган барча жамоадошларим, мураббийлар, оила аъзоларим, дўстларим ва мухлисларга раҳмат айтаман», – дея ёзди Роналду ўзининг твиттердаги саҳифасида.

Роналду клуб даражасида «Спортинг» (31 ўйин, 5 гол), «Манчестер Юнайтед» (292 ўйин, 118 гол), «Реал» (438 ўйин, 450 гол) ва «Ювентус» (75 ўйин, 53 гол) сафида тўп тепган. У мингта ўйинда 725та гол урган ва 252та голга узатма берган.