Stadion.uz Коронавируснинг футбол оламига таъсири борасидаги янгиликлар билан таништиришда давом этамиз.
Испанияда вазият жиддий
Испаниядаги профессионал футболчилар ҳуқуқларини ҳимоя қилувчи Ассоциация Испания футбол Федератсиясидан мамлакатдаги барча мусобақаларни тўхтатишини талаб этмоқда. Бунга коронавируснинг Европага кириб келиши сабаб бўлмоқда. Ассоциация ўз илтимосини “Ла Лига” ва “РФEФ”га ҳам жўнатди.
Ҳозирча Испания футбол федератсияси бу илтимосга жавоб берганича йўқ. Аввалроқ Испания “Ла Лига”си ва “Сегунда”сида иккита тур давомида ўйинлар мухлисларсиз ўтказилиши расман эълон қилинган эди.
Италияда вазият жиддий
“Милан” расмий сайти мамалакатда катта тарқалаётган коронавирус сабабли 15-март санасига қадар барча ёшдаги футболчилар учун машғулотларни бекор қилди.
“Le Gazzeta Della Sport” нашри журналисти Никола Ширанинг хабар беришича, Италияда бир йўла 6 та клуб “Милан” сингари йўл тутишга қарор қилган. «Болонья», «Брешия», «Кальяри», «Фиорентина», «Лацио» ва СПАЛ жамоаларидан сўнг “А Серия”ни бошқа клублари ҳам шундай қарорга келиши кутилмоқда.
Аввалроқ “Милан” жамоаси Коронавирусга қарши 250 минг евро ажратди
“Аталанта” мухлисларидан ажойиб юриш
Италиянинг “Аталанта” жамоаси мухлислари Бергамода коронавирусдан жабр кўрган инсонлар учун 60 минг евро хайрия қилишди. Маълумотларга қараганда “Аталанта” жамоаси “Валенсия”га қарши ўйин учун сотилган чипталарни қайтариб берган ва ушбу чипталар эгалари бу пулларни вирусга қарши кураш учун сарфлашга қарор қилишган.
Эслатиб ўтамиз, “Валенсия” жамоаси Италиядаги коронавирус сабабли ЕЧЛ 1/8 жавоб учрашувини томошабинларсиз ўтказишга қарор қилган.
Францияда вазият жиддийлашмоқда
“Метц” жамоаси расмий сайти коронавирус билан оғриган инсон билан алоқада бўлган футболчиснинг соғлиғи яхшилиги борасида расмий маълумот тарқатди. Клуб ўз футболчини ташқи босимлардан ҳимоя қилиш мақсадида унинг исмини ошкор қилмаяпти.
Ҳозирча номи ошкор қилинмаган “Метц” футболчиси машғулотлардан озод этилган ва уйдан кўчага чиқмаяпти.
“Метц” клуби матбуот ҳизмати берган маълумотларга қараганда, футболчининг соғлиғи яхши ва унда вируснинг симптомлари кузатилмаган.
