УЕФА Евро-2020га коронавируснинг таъсири бўйича фавқулотда йиғилиш ўтказди.
Жаҳон соғлиқни сақлаш ташкилотининг тавсияларига асосан, УЕФА Евро-2020 ўйинларини эпидемияга қарши ёрдам бера оладиган тиббий муассасалари мавжуд шаҳарларда ўтказмоқчи.
Айни пайтда масъуллар турнирни бекор қилиш ниятида эмас, шунингдек, мухлисларнинг стадионларга ташриф буюришларини исташяпти. Агар белгиланган шаҳарлар орасида мусобақани қабул қилишга тайёрлари бўлмаса, бошқа шаҳар танланиши мумкин.
Шу муносабат билан масъуллар Евро-2020 ўйинларини ўтказадиган давлатлар ҳукуматлари билан боғланишди ва зарур чора-тадбирларни кўришни сўрашди.
Шунингдек, УЕФА турнирни кейинги йилга қолдириш сўралгани ҳақидаги хабарларни ёлғон деб атади.
Эслатиб ўтамиз, Евро-2020 ўйинлари Россия, Озарбайжон, Англия, Венгрия, Германия, Дания, Ирландия, Испания, Италия, Голландия, Руминия ва Шотландияда 12 июнь - 12 июль кунлари бўлиб ўтади.
