Stadion.uz футбол оламида тобора авж олиб бораётган коронавируснинг таъсири хақида қисқача тўчталиб ўтади.
Миллий биринчиликлар бирин кетин тўхтатилмоқда. ЕЧЛ ва ЕЛ учрашувлари ҳам тез орада тўхтатилиши мумкин. Европа чемпионатининг ўтказилиши ҳам катта савол остида қолмоқда. Бугун сўнгги кунлардаги энг муҳим воқеяларни ёдга олиб ўтамиз.
Италия – 12,5 минг киши зарарланган
Европадаги коронавирусдан энг катта жабр кўрган давлат Италия саналади. Ачинарлиси шундаки, Италия вируснинг тарқалиши борасида Хитойдан кейинги ўринда бормоқда. Ушбу юртда барчаси спорт турлари борасидаги мусобақалар тўхтатилганига анча бўлди. “А Серия” ўйинлари ҳам камида 3-апрелга қадар тўхтатилган. Футболчилар орасида ҳамвируснинг тарқалиш тезлиги жуда катта. Яқиндагина “Ювентус” ҳимоячиси Даниел Руганининг ушбу ҳасталикка чалингани ҳақидаги хабарлар тарқалди. Шу сабабли анчадан бери мухлисалар кутган интригани тақдим этган чемпионат ўйинлари тўхтатилди. Унинг қачон давом эттирилиши борасида ҳеч кимда ҳеч қандай аниқ жавоб мавжуд эмас. Италиая нашрлари берган хабарларга қараганда, мусобақани якунлашнинг иложи йўқ. катта эҳтимол билан Италия футбол Федератсияси ички биринчиликни плей-офф тарзида якунлаб қўяди. Ёки вазият ўнгланмагануга қадар пауза олади.
Испания – 3 минг киши зарарланган
Бугун Испания ҳукумати мамлакатдаги футбол мусобақаларини камида 2 ҳафтага тўхтатиб туришга қарор қилди. Аслида мавсумнинг қолган учрашувларини мухлисларсиз стадионлардан ўтказиш режа қилинган эди, бироқ бугун Испания соғлиқни сақлаш вазирлиги вазиятни кескинлаштирмасликка қарор қилди. Маълумотларга қараганда, “Реал Мадрид”нинг баскетбол жамоаси ўйинчиси Трей Томпкинснинг қонида коронавирус аломатлари аниқланган ва клуб спортчини карантинга юборган. Шунинг ўзиданоқ маълумки, “Реал Мадрид”нинг Манчестердаги ўйини ўз-ўзидан номаълум муддатга қолдирилди.
Англия – 460 киши зарарланган
Англия барча жабҳаларда ўз режаларига содиқ қолмоқда. АПЛда қандайдир ўзгаришларнинг юз бериш эҳтимоли жуда кам. Инглизлар майда деталларни маън этиш билангина чекланишмоқда. Шунга қарамай, ижтимоий тармоқларда АПЛнинг ҳам мухлисларсиз ўтиши борасидаги миш-мишлар кенг муҳокама қилинмоқда. Англия соғлиқни сақлаш вазирлиги берган баёнотга кўра, АПЛ учрашувларига мухлислар киритлмаса, бу халқ орасида ваҳима уйғотиши мумкин экан. Шунга қарамай, Англия ҳам тез орада футбол учрашувларида ўзига ҳос чекловларни ўрнатиши турган гап. Мутахассисларнинг айтишича, АПЛ ва қуйи двизион ўйинлари ҳам катта эҳтимол билан коронавирус сабабли охирига етмай қолиши эҳтимоли жуда катта. Ҳозирча ингилизлар бор кучи билан вазиятдан чиқиб кетишга урунишмоқда. Воқеялар ривожини кузатишда давом этамиз.
Франция ва Германия – 2,3 минг киши зарарланган
Францияда вазият катта тезлида ёмонлашиб бормоқда бормоқда. Бугунги кунда барча спорт мусобақалари тўхтатилган. Тўғри, футбол ўйинлари давом этмоқда, бироқ мухлисларсиз.
Германиядаги трибуналар бир нечта учрашувлар учун ёпилиши мумкин. Айтишларича, шанба кунидан бошлаб немислар ҳам учрашувларни мухлисаларсиз ўткизиш режимига ўтишади. Масалан, “Боруссия” ва “Шалке” тўқнашуви жим-жит аренада ўтказилиши режалаштирилган. Шунингдек, “Бавария” ва “Челси” тўқнашуви ҳам мухлисларсиз ўтиши аниқ бўлиб улгурди. Маълумотларга қараганда, Бундеслиганинг камида 8 та тури мухлисларсиз ўтказилиши кутилмоқда.
Россия – 28 киши зарарланган
Бу расмий рақамлар тўғри бўлмаслиги мумкин, сабаби Россия соғлиқни салқаш вазирлиги ҳам халқ орасида ваҳима тарқалишига қарши. Москва мэрининг қарорига кўра, 10 апрелга қадар барча пойхатдаги барча мусобақалар бекор қилинди. Шунингдек, мажлис ва йиғилишлар ҳам. “Спартак” ва “ЦСКА” уй учрашувларига 5 минг мухлисдан ортиғини кирмаслигини расман эълон қилди. “Урал” – “Рубин” учрашувига ҳам 5 минг мухлис кириши мумкин холос. Казан шахрида ҳам тез орада барча спорт мусобақалари тўхтатилиши кутилмоқда. Россиянинг бошқа регионларида ҳозирча тинчлик.
Еврокубоглар ва Европа чемпионати
Бугун ўтказилиши керак бўлган “Рома” – “Севилья” ва “Хетафе” – “Интер” ўйинлари коронавирус сабабли номаълум муддатга қолдирилди. Маълумотларга қараганда, УEФА Италия клубларидан мусобақани ўз хоҳиши билан тарк этиши сўраган. Куни кеча турли ишончсиз нашрлари ЕЧЛ ва ЕЛ мусобақалари ҳам тўхтатилиш борасида маълумот тарқатишни бошлади.
Шунингдек, УЕФА миллий чемпионатларнинг тўхтатилишини эълон қилиши мумкин.
17 март куни ўтказиладиган видеоконференцияда Европадаги турнирларнинг тақдири CОВИД-19 коронавирус эпидемияси фонида ҳал этилиши режалаштирилган. Тадбирга УЕФА таркибига кирувчи 55 ассоциация вакиллари, УЕФА таркибига кирувчилар, Европа клублари ассоциацияси раҳбарлари, шунингдек, Профессионал футболчилар ассоциациялари халқаро федерацияси аъзолари таклиф этилган.
Хабар қилинишича, конференция давомида миллий чемпионатлар ва еврокубоклардан ташқари, ушбу ёзда ўтказилиши режалаштирилган Евро-2020 мусобақаларини кейинги тақдири ҳал қилинади.
