Бугун Беларусь чемпипонатининг янги мавсумига старт берилди. Ўзбекистонлик ярим ҳимоячи Жасур Яхшибоев учун «Энергетик-БГУ» клуби сафида расмий ўйиндаги дебюти анча омадли чиқди.
Ҳамюртимиз БАТЭга қарши ўйинни асосий таркибда бошлади ва биринчи бўлимнинг ўзида 2та гол уришга муваффақ бўлди. Жасур баҳснинг 27-дақиқасида ҳисобни очди. У рақиб жарима майдонига ёриб кирди, битта финт билан бир ҳимоячини, иккинчи уринишда иккинчисини алдади ва учинчи уринишди дарвозани ишғол қилди.
Орадан 7 дақиқа ўтиб Яхшибоевнинг ўзи ҳисобдаги фарқни 2тага оширди. Ҳужумдаги шериги Атаменг етказган узатмани ватандошимиз рақиб дарвозасига жойлаб қўйди.
Шу тариқа, «Энергетик-БГУ» биринчи бўлимдан сўнг номдор рақибини 2:0 ҳисобида мағлуб этмоқда.
Дарвоқе, Яхшибоев ўз жамоаси сафида ҳужумчи сифатида ҳаракат қилмоқда.
Беларусь чемпионати, 1-тур
Энергетик-БГУ – БАТЭ 2:0 (биринчи бўлимдан сўнг)
19 март, 17.00, «РЦОП-БГУ»
Голлар: 1:0 – 26 Жасур Яхшибоев, 2:0 – 34 Жасур Яхшибоев.
Энергетик-БГУ – Лесько, Сокол, Шкурдюк, Свирепа, Мавату, Носко, Жасур Яхшибоев, Гирс, Тве, Мусаханян, Атеменг.
БАТЭ – Чичкан, Филипенко, Настич, Волков, Бессмертний, Нехайчик, Стасевич, Бага, Драгун, Березкин, Скавиш.
Огоҳлантиришлар: Атеменг (19), Драгун (33), Мусаханян (36).
