Римнинг "Рома" клуби ҳимоячиси Александр Коларов коронавирус туфайли А Серияда юзага келган танаффус ҳақида фикр билдирди.
«Ростини айтсам, агар чемпионат май ойида тикланадиган бўлса, чемпионатни июнь ойида якунлашга сабаб топа олмаяпман. Чемпионат давом эттирилишига ишонишни хоҳлаяпман, лекин мен унчалик оптимист эмасман.
Бундай вазиятда биз футболни устувор вазифа сифатида қўймаслигимиз керак. Ҳаммамиз тез орада футболга қайтишни хоҳлаймиз, аммо, ақл-идрокка амал қилишимиз керак. Ҳозир хавфсизлик барча нарсадан устун туради.
Италиядаги ҳозирги вазиятга қараб, А Серия ўз вақтида якунланишига ишонмайман», — деди Александр Коларов.
