Португалия терма жамоаси собиқ футболчиси Паулу Феррейра Криштиану Роналду ҳақида фикр билдирди.
“Мен Роналдуни кўп йиллардан буён биламан. У ҳақиқий профессионал. Ўйлашимча, у яна 4-5 йил ўйнай олади. У ҳамма ҳурмат қиладиган жамоасининг муҳим футболчиси. Шунингдек, ундан ҳалигача қўрқишади. Унинг бир ўзи ўйин тақдирини ҳал қилиши мумкин.
35 ёшда бундай ўйнашингиз учун ўз устингизда кўп ишлашингиз керак. Тўғри овқатланиш, дам олиш, қаттиқ мехнат – буларнинг барини Криштиану бажаради. Шу сабабли, у 40 ёшгача ўйнай олади”, -дейди Феррейра.
