БАТЭдарвозасига иккита гол киритган Жасур Яхшибоев бир неча кундан бери белоруссиялик футбол ишқибозлари томонидан кенг муҳокама қилинмоқда. Бугун ижтимоий тармоқларда унга атаб яратилган мемларнинг бир нечтаси билан таништириб ўтамиз.

Амалдаги чемпионнинг ўртамиёна клуб олдида ожиз қолгани кўплаб мухлисларнинг эътиборини тортгани рост. БАТЭучун аламли мағлубиятдан сўнг, ижтимоий тармоқдаларда “Жасур Яхшибоевнинг сири ошкор бўлди. У аслида Гризман экан” номли сурати жуда машхур бўлиб кетди.

Бундан ташқари, Жасурнинг мамлакатнинг биринчи рақамли жамоасига қарши ишончли ўйин кўрсатгани кўплаб мухлисларда илиқ таассурот уйғотмоқда.

Ўтган мавсумда Иля Шкурин “Энергетик”дан “Динамо Брест” жамоасига ўтгач, орадан 17 соат ўтиб Москванинг “ЦСКА” клубига трансфер қилинган эди. Ўша трансфер Беларуссия клубига 500 минг евро соф даромад келтиргани билан эмас, футболчининг бир сутка ичида иккита жамоа алмаширгани билан ёдда қолган. Дарҳақиқат, Иля Белоруссия чемпионати тўпурари сифатида “Динмо” сафига бориб қўшилган, кейин “ЦСКА” уни “Динамо Брест”дан сотиб олган эди. Маҳалий ишқибозлар ҳам ҳазил тариқасида Яхшибоевни ҳам тез орада “илиб кетишлари”га шаъма қилишмоқда.

Унинг ўйинидан завқланган мухлислар Жасурнинг “ёшлик чоғида тушган суратини” ҳам топишганига қойил қолмасликнинг иложи йўқ

Жасурнинг ўйинини кўриш учун карантиндаги футболчилар ҳам ташриф буюрган “эмуш”!