«Барселона» клуби собиқ ҳимоячиси Александр Глеб замонавий футбол юлдузлари — Лионель Месси ва Криштиану Роналдунинг ўзига хос жиҳатлари ҳақида айтиб ўтди.

– Месси ёки Криштиану Роналду?
– Иқтидор томонлама – Месси. Меҳнаткашлик жиҳатдан – Роналду.

– Умуман олганда-чи?
– Агар улар бирлаштирилса, жаҳоннинг энг буюк футболчиси юзага келган бўларди. Менга Месси кўпроқ ёқади. Аммо Криштиануда бор нарса Мессида йўқ.

Роналду шундай характер борки, у қаерга бормасин, етакчига айланади ва жамоани ўз ортидан эргаштиради. У ютқазишни жуда ёмон кўради.

Эътибор беринг, Роналду ютқазаётганида жуда асабийлашади, бақиради. Лео эса ютқазса ҳам хотиржам тураверади.