Англия терма жамоасининг собиқ футболчиси Пол Инс «Манчестер Юнайтед» қишки трансфер пайтида Эрлинг Холандни қўлга кирита олмагани ҳақида ўз фикрини билдириб ўтди.
«Агар жамоа «Манчестер Сити» ва «Ливерпуль» билан орадаги фарқни қисқартиришни истаса, уларга жаҳон даражасидаги ҳужумчи керак.
Уларда Холандни қўлга киритиш имконияти бор эди. Аммо ёш йигит «Боруссия»га ўтиб кетди. Бу эса мени ранжитди. У жуда яхши ўйинчи ва янада ўсишда давом этиши мумкин. Бундай футболчиларни қўлдан чиқариш керак эмас.
Холанд билан шартнома имзолашни эплай олмаслик — ҳафсалани пир қиладиган иш бўлди. Уларга бир мавсумда 20-25та гол урадиган ҳужумчи керак», – деди Инс.