Римнинг «Лацио» клуби футболчиси Хоакин Корреа мавсум-19/20 давом эттирилишига ишонмаслигини айтиб ўтди.

«Ҳақиқат шуки, "Лацио" сўнгги 10 йилдаги энг зўр мавсумини ўтказди. Биз "Ювентус"дан бор-йўғи бир очко ортда қоляпмиз. Менимча, биз «кекса синьора»дан олдинга ўтиб кетишимиз мумкин эди. Италиялик мухлислар янги чемпионни кўришни хоҳлашмоқда.

Ўйлайманки, мавсум давом эттирилмаса керак. Фожиа кўлами жуда жиддий. Фақат кутиш ва яхши нарсаларга умид қилиш қоляпти, холос.

Мен Аргентина терма жамоасида кўпгина учрашувларда майдонга тушишни хоҳлайман. Бу менинг болаликдаги орзум. Лионель Месси ва Диего Марадоналар Аргентина футболини бутун дунёга танитган инсонлар.

Агар кумир ҳақида гапирадиган бўлсам, менинг кумирим – Себастьян Верон. У менинг футболдаги отам», — деди Корреа.