Кириш Регистрация

Хабарлар

Яхшибоев Роналду даражасида ўйнамоқдами?

Баҳо:
+ | -

Жасур Яхшибоев учун Беларусь чемпионатининг янги юлдузи бўлиши учун атиги бир тайм кифоя қилди. БАТЭга қарши учрашувда иккита гол киритган ўзбек ҳақида кўп ёзишмоқда, бироқ биз бугун сиз учун янги маълумотларни бериб ўтишга ҳаракат қиламиз.

InStat:ЖасурРоналду даражасида ўйнамоқда

Беларусь чемпионатининг очилиш учрашувида Жасур жуда яхши ўйин ўтказди. Ўзбекистонлик йигитча футболчиларнинг статистикасини ҳисоблаб борувчи таниқли InStat портали Жасур Яхшибоевнинг майдондаги ҳаракатларини 393 балл билан тақдирлади. Футболчининг тактик ва техник томондан устунликларига қўйиладиган баҳо борасида Жасур Европанинг бир нечта топ даражадаги футболчилардан яхшироқ натижа кўрсатди. Соддароқ қилиб айтганда, Роналду ўзининг сўнгги 6 учрашувидан биттасида 393 балл жамғарган эди. Шу кунга қадар Беларусь чемпионатида бирорта футболчи Жасур кўрсатган натижага яқин ҳам кела олмаган. Ундан кейинги ўринда Игор Стасевич 284 балл билан бормоқда.

Нима учун Жасур бу қадар юқори балл тўплади? Келинг, кўриб чиқамиз.

Биринчидан, ўзбекистонлик футболчи рақиб дарвозаси томон 5та аниқ зарба бериб, 2та гол урди. Бундан ташқари, Яхшибоев ажойиб тезлиги ва дриблинглари билан ёдда қолди. У рақиб футболчиларини 9 марта алдашга уриниб, уларнинг 8тасини муваффақиятли амалга оширди. Шунингдек, у битта муҳим узатмани ҳам амалга оширди.

Келинг, ўзбек йигити билан яқиндан танишиб оламиз.

Бугунги кунда Жасур Ўзбекистоннинг энг иқтидорли футболчиларидан бири саналади. 2015-йилда Осиёнинг энг яхши ёш футболчиси номинацияси учун даъвогарлик қилган “Энергетик-БГУ” футболчиси якунда ғолиб чиқмаган, бироқ кучли учликни барcа ўзбекистонлик футболчилар ташкил этган эди. Кейинчалик қаҳрамонимиз Хитойда бўлиб ўтган қитъа (U23) биринчилигида Жасур жамоасининг чемпионлиги учун катта ҳисса қўшган.

Нима учун Жасур “Пахтакор”дан кетди?

Аслида Жасурбек айни дамда Ўзбекистоннинг энг кучли футболчиларидан бири, бироқ “Пахтакор”да унинг позиwиясида ўзбек футболининг энг кучли футболчиси – Жалолиддин Машариповҳаракат қилмоқда. Шу ўринда қизиқ факт. “Энергетик” Жасур билан алоқага чиққанида, унинг қўлида Жанубий Корея клубидан келиб тушган муолиявий “бақувват” шартнома бор эди. Шунга қарамай, футболчи ўсишни истади ва Беларусга учиб кетди.

Тил билан муаммолар борми?

Жасур рус тилини деярли билмасада, янги чақирувдан қўрқмай Беларусга етиб келгани таҳсинга сазовор. Шундай бўлсада, Жасур инглиз тилида яхши сўзлаша олишини ҳам алоҳида қайд этиб ўтиш жоиз. Футболчининг жамоадошлари айтишича, у сўнгги кунларда рус тили борасида ҳам яхши ютуқларга эришмоқда. Тўғри, у ҳали тўлиқ сўзлаша олмаяпти, бироқ суҳбатдошининг сўзларини тушунмоқда.

Бош мураббий қандай фикрда?

“Энергетик-БГУ” хўжайини Владимир Белявский ўзбек футболчиси ҳақида қуйидаги фикрларни билдирди:

“У инглизчада чакки эмас. Айни дамда рус тилини ҳам ўрганмоқда ва секин-аста жамоа билан тил топишади. Аслида осиёликларда адаптация жараёни жуда секин кечади, бироқ Жасур аллақачон жамоадошлари билан контактга киришди. Тушунинг, осиёликларга нимадир ёқмаса, улар барча нарсаларини йиғиштириб уйга равона бўлишга ўрганиб қолишганн. Мен шундай ўзбек йигитларини биламанки, уларни Италияга чақиришган бўлсада, у ердан ҳам ватанларига қайтиб кетишган”.

Тил ўрганишдан ташқари, Жасур жамоа бош мураббийи Анатолий Юревичнинг оғир юкламаларига дош беришига ҳам тўғри келмоқда. Бу мураббий ўзининг мавсум олди оғир машғулотлар ўтказиши билан донг таратган. Трибуна.cом нашрига маълум бўлишича, Жасур бундай юкламаларни қийинчилик билан енгиб ўтган. Боз устига, қишда бир неча бор шамоллаб қолгани боис машғулотларда катта куч сарфлаш Жасурга оғирлик қилган. “Энергетик” мураббийларининг айтишича, Жасурнинг жамоага келган чоғидаги жисмоний тайёргарлиги жуда суст бўлган.

Белявский: “Жасур барча юкламаларни нормал қабул қилди. Барча бизнинг машғулотлар жуда оғир кечиши ҳақида бонг уради, бироқ собиқфутболчиларимиз машғулотларимизни соғинишлари ҳақида кўп бор таъкидлашган. Биласизми, агар футболчи қилинаётган машғулотлар самарасини ҳис этса, янада иштиёқ билан ҳаракат қилишни бошлайди. Энг муҳими шундаки, ўзбек футболчисимайдонда ақл биланҳаракат қилади. БАТЭга қарши учрашувдан сўнг, рақиб мураббийи – Владимир Борисович Курнев менга қўнғироқ қилди. У инсоннинг фикрларини эшитиш мен учун доимо қизиқ бўлган. Курнев менга Жасур биринчи голникиритган вазият ҳақида шундай деди: “Бу голни таблода ҳисоб 3:0 бўлиб тургандагина киритса бўлар эди, бироқ 0:0 чоғида эмас. Бундай йўл тутиш учун футболчидан совуққонлик талаб этилади. Шунга қарамай, унинг ўсиши керак бўлган аспектлар мавжуд. Унинг жисмонан ўсиши учун имкон яратиб беринг. Шундайбўлсада, унинг ҳозир ҳам имкониятлари чакки эмас. Айниқса, тезлиги мени қувонтирди. Агар ишонмасангиз, Бесмертний унга тезлик борасида ета олмаган вазиятни томоша қилинг».

Янги позиция

Анатолий Юревич Жасурдан қанот вингери сифатида эмас, марказий ҳужумчи ўрнида фойдаланмоқда. Ўзининг кучли техникаси ва тезлиги ёрдамида Жасур марказий ҳужумдаги “столба” Жуниор Атемангни тўлдирмоқда. Камерунлик ҳужумчи ўтган мавсумда айтарли ҳеч қандай каромат кўрсатмади, бироқ Яхшибоев билан унинг ўйини янада самарали чиқмоқда.

Ҳозирча ўзбекистонлик иқтидор эгаси “Энергетик-БГУ” сафида ижара асосида тўп сурмоқда. Агар у ўзини кўрсата олса, “Пахтакор” беларуслик дўстларини хафа қилмасликка сўз берган.

“Ҳа айтганча, кўпчилик менга нима учун Беларусьда ҳам Яхшибоев сингари қизиқарли футболчилари чиқмаётгани ҳақида савол бермоқда. Агар сиз Тошкентга борсангиз, у ердаги футбол академиялари қандай барпо этилганига гувоҳ бўласиз. У ерда фақат анқонинг уруғи йўқ холос. У ердаги болаларнинг иқтидорини ривожлантириш учун қилинаётган ишларни ўз кўзингиз билан кўрсангиз, барчасини тушуниб оласиз”.

Манба: Stadion.uz
Киритилди: 18:32, 25.03.2020.
Ўқилди: 5437 марта.
Фикрлар: 17 та.

Бўлимга тегишли қизиқарли хабарлар

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.