Кириш Регистрация
28/03 19:00 Динамо 0-0 Металлург
29/03 19:00 ОКМК - Бунёдкор
29/03 19:15 Қизилқум - Локомотив

Қозоғистонлик журналист: «Бизникилар ўзбекларга ютқазишдан чўчиб, ўйинни бекор қилишган»

Баҳо:
+ | -

Қозоғистон терма жамоаси 26-март куни Тошкентда Ўзбекистонга қарши ўртоқлик ўйинини ўтказиши лозим эди. Бу ҳақда иккала мамлакат футбол федератсиялари 2019-йил ноябрь ойида келишиб олишганди.

Аммо, 2019-йил декабрь ойида Қозоғистон терма жамоаси кутилмаганда ўйинда иштирок этишдан бош тортди. Матбуотда тарқалган хабарларга кўра, қозоғистонликлар устози, чехиялик мутахассис Михал Билек УEФА аъзосининг Осиё жамоалари билан ўртоқлик ўйинини ўтказишида маъно йўқлигини айтган ва баҳснинг бекор қилинишига эришган.

Бироқ, қозоғистонлик журналист Айдин Қўжаҳмет бунинг сабаблари бошқача бўлганини айтди.

"Қозоғистон ва Ўзбекистон терма жамоалари ўртасидаги ўртоқлик ўйинининг қолдирилиши ҳақида менда бошқа маълумотлар бор. Бунга терма жамоа мураббийининг хоҳиши сабаб бўлмаган. Чунки якунда Ўзбекистон ўрнига Арманистон терма жамоаси танланди. Бу жамоани эса Ўзбекистондан кучлироқ деб бўлмайди.

Гап шундаки, Қозоғистон Футбол Федерацияси президенти сўнгги вақтларда ўз таъсир кучини бироз йўқотди. Шу туфайли, у принципиал рақибга қарши ўйинда мағлуб бўлишдан манфаатдор эмас эди: "тепадагилар" буни кечирмаслиги мумкин. Ўйиннинг қолдирилиши сабаби шундай. Шунчаки бизникилар таваккал қилишни истамадилар", - деб Қўжаҳмет сўзларини келтирмоқда футбол мутахассиси Алишер Никимбаевнинг "Футболиум" канали.

Манба: onside.uz
Киритилди: 00:16, 28.03.2020.
Ўқилди: 5463 марта.
Фикрлар: 0 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.