COVID-19 вирусини юқтириб олган “Арсенал” устози, карантиндан чиққанидан хабарингиз бор. Испаниялик мутахассис яқиндагина “Арсенал” клуби расмий сайти орқали бутун дунё аҳолисига ушбу вирус борасида мурожаат билан чиқди.

Биз чуқур англаб етиш мушкул бўлган вазиятга тушиб қолдик. Эндиликда, ҳар куни ушбу вирус борасидаги янгиликларни ўқишга ва уни енгиб ўтиш борасидаги қўлланмаларга эътибор қаратишдан бошқа чорамиз йўқ. Биринчи навбатда, ушбу касаллик туфайли ўз яқинларини йўқотганлар таъзиямни қабул қилишсин. Шунингдек, касалхоналарда ётган беморларга ҳам яратгандан куч-қувват тилаб қоламан.

Шу ўринда қийин вазиятда ўзларини ва ҳаётларини қурбон қилишга тайёр тиббиёт ҳодимларига ҳам алоҳида минаддорчилик билдириб ўтиш жоиз. Оғир кунларда биз учун керакли барча воситаларни етказиб бераётган қадрдонларимизга ҳам ташаккур.

Мавриди келганидадунёдаги барча инсонларга кичик мурожаатим қилмоқчиман. Илтимос, сиз яшаб турган давлатда вирус у қадар тарқалмаган бўлсада, вазиятни кескинлаштирманг. Йўриқномада кўрсатилган барча талабларга тўлиқ риоя қилинг. Мен барча-барчани эҳтиёт бўлишга ва иложи борича уйда бўлишга чақираман. Бу вирусга қарши курашда қўлимиздан келадиган ягона қурол холос. Нима бўлган тақдирда ҳам уйда қолинг. Биз шу йўсинда коронавируснинг кенг тарқалишига қаршилик кўрсатган бўламиз. Сиз зарурат бўлмаган ҳолда кўчага чиқсангиз, ёши катта инсонларни ҳавф остида қолдирган бўласиз. Улар учун ҳам уйда қолинг! Вирус тарқалишининг олдини олиш учун барча чора тадбирлар кўрилмоқда. Тез орада барчаси ортда қолади!