Коронавирусдан соғайган "Ювентус" ҳужумчиси Пауло Дибала вазият жиддий эканини таъкидлаб ўтди.

"Италияда ҳар куни кўплаб одамлар ҳалок бўлишмоқда, вазият оғир. Биз ўзимиз бунга қарши кураша олмаймиз. Шу боис, кўп мамлакатлар бу ерга ўз шифокорларини юборишмоқда. Эҳтиёт бўлинг, уйда қолинг.

Менда кучли йўтал бўлди, ҳолсизликни ҳис қилдик, ухлаганимда эса совқотдим. Бошланишида бу нима бўлиши мумкин деб ўйладим. Лекин икки жамоадошим касалланган бўлса, кейин мен оғридим. Хотиним иккимизнинг бошимиз оғриди. Аммо бундай пайтда ўзимизни ўзимиз даволашга ҳаракат қилмаганимиз яхши. Клуб менга витаминлар берди. Вақт ўтиши билан ўзимизни яхши ҳис қила бошладик. Психологик томондан дастлаб қўрқувга тушасиз, кейин ўтиб кетади. Ҳозир менда касаллик аломатлари йўқ" - деди Дибала "Mirror" нашрига берган интервьюсида.