УЕФА раҳбари Александер Чефериннинг фикрича, миллий чемпионат ўйинлари муддатдан олдин якунланиши мумкин эмас.
Шунингдек, УЕФА раҳбари муддатдан олдин чемпионатни якунлашга қарор қилган Бельгия Футбол Федерациясини кейинги мавсумда нималар кутаётганига алоҳида урғу берди.
«Бельгиянинг тутган йўли – нотўғри. Бирдамлик тушунчасини бир томолама фикрлаш билан чалкаштирманг. Сиз аввал ёрдам сўраб, кейин ўзингиз учун фойдали бўлган қарорни қабул қилишингиз ножоиз.
Бельгия клублари ички чемпионатни муддатдан олдин якунлаб қўйганликлари сабабли, кейинги мавсумда еврокубок мусобақаларидан четда қолишлари мумкин. Бу хавфли ҳолат бўлиши мумкин. Бошқа чемпионатлар ҳам худди шундай муаммоларга дуч келишлари мумкин.
Клубларнинг ўз ички чемпионатларида муддатдан олдин ғолиб сифатида тан олиниши ЕЧЛ ва ЕЛга чиқиш талаби тўғри бажарилмаганлиги ҳақида кўплаб саволларни туғдиради», — деди Александер Чеферин.
