Италиянинг «Интер» клуби ҳужумчиси Лаутаро Мартинес ўзи туғилиб ўсган Баия-Бланка шаҳри Давлат касалхоналарига йирик миқдорда моддий ёрдам кўрсатди.
Аргентинанинг ушбу шаҳридаги касалхоналар хайрия қилинган маблағга 3350 литр спиртли гелб, 100 минг дона тиббий қўлқоп ва 10 минг дона турли тиббиёт асбобларини сотиб олишди.
— Лаутаро ва унинг оиласига бизнинг шаҳримизга содиқликлари учун миннатдорчилик билдирамиз, — деб пост қолдирди Баия-Бланка шаҳри мэри Эктор Гай ўзининг "Твиттер"даги расмий саҳифасида.