Италия терма жамоаси ва "Интер" клубининг собиқ дарвозабони Франческо Тольдо Евро-2000 ярим финалида Нидерландия терма жамоаси устидан пенальтилар сериясида қўлга киритилган ғалабани хотирлади.
"Улар ўйин мобайнида иккита пенальтини ноаниқ бажаришганларидан сўнг, бутунлай йўқолиб қолишганди. Бизга жуда қийин бўлганди. Аммо, мен негадир ўша учрашувда пенальтилар серияси бўлишини кутаётгандим. Ўша учрашувга кечаси билан тайёрланиб чиққанман. Нидерландия терма жамоаси таркибида ким қандай тарзда пенальтини амалга оширишини ўрганиб чиққандим", - Тольдонинг сўзларидан иқтибос келтирмоқда FCInter1908.it.
