Англиянинг «Вест Хэм» клуби ҳуқуқий жиҳатдан «Манчестер Юнайтед» клубига тегишли бўлган Алексис Санчесга қизиқиш билдирмоқда.
31 ёшли чилилик футболчи ҳозирда фаолиятини Италиянинг "Интер" клубида ижара асосида давом эттирмоқда.
"Интер" клуби Санчеснинг трансферини сотиб олиш ниятида эмас, ўз навбатида "МЮ" ҳам чилилик ҳужумчидан қутулиш ниятида.
Агар Санчес маошининг сезиларли даражада пасайишига рози бўлган тақдирдагина «Вест Хэм» у билан шартнома имзоламоқчи.
The Sun нашрининг тарқатган хабарига қараганда, «болғачилар» футболчининг агенти Фернандо Феличевич билан музокара олиб боришмоқда.
